नेशन न्यूज मराठी टीम.
ठाणे / प्रतिनिधी – जिल्हा कौशल्य विकास, रोजगार व उद्योजकता मार्गदर्शन केंद्र, ठाणे या कार्यालयामार्फत आज दि. २५ ऑगस्ट २०२३ रोजी सकाळी ११ ते दुपारी १ या वेळेत प्लेसमेंट ड्राईव्ह चे आयोजन जिल्हा कौशल्य विकास, रोजगार व उद्योजकता मार्गदर्शन केंद्र, ठाणे, जुने कोषागार कार्यालय, नेताजी सुभाष चंद्र मार्ग, जिल्हाधिकारी कार्यालय आवार, कोर्ट नाका, ठाणे प. ६०० ६०१ येथे करण्यात आले आहे.
या कार्यक्रमात युनिकेअर हेल्थ केअर, पी एस एन सप्लाय चेन, डेझाव्ह्यू स्किल लर्निंग अँड ट्रेनिंग सिस्टम, आरंभ फार्मा या कंपन्यांचे प्रतिनिधी उपस्थित राहणार असून telecaller, team leader, Quality analyst, health advisor, अकाऊंटंट, पी. आर. ओ., लोडर, पिकर, डिलिव्हरी एक्सीक्यूटिव्ह, स्टोअर असोसिएट, फर्मासिस्ट, वरिष्ठ व्यवस्थापक, साईट मॅनेजर, बॅक ऑफिस इत्यादी पदांसाठी भरती होणार आहे.
तरी या उपक्रमाचा जास्तीत जास्त नागरिकांनी लाभ घ्यावा असे आवाहन संध्या साळुंखे, सहायक आयुक्त, जिल्हा कौशल्य विकास, रोजगार व उद्योजकता मार्गदर्शन केंद्र, ठाणे यांनी केले आहे.
