नेशन न्यूज मराठी टीम.
ठाणे / प्रतिनिधी – महाराष्ट्र शासन, उद्योग, ऊर्जा व कामगार विभाग, मंत्रालय, मुंबई- ३२ यांचा शासन निर्णय क्र. केव्हीबी- २०१७ /प्र.क्र. १६/ उद्योग-६, दि. १८ जून २०१९ अन्वये महाराष्ट्र राज्य खादी व ग्रामोद्योग मंडळामार्फत मध केंद्र योजना (मधमाशापालन) संपूर्ण राज्यात कार्यान्वित झालेली आहे.
याकरिता पात्र व्यक्ती / संस्थाकडून खालील दर्शविल्याप्रमाणे अर्ज मागविण्यात आले आहे.
अ) योजनेची वैशिष्टे :- मध उद्योगाचे मोफत प्रशिक्षण, साहित्य स्वरूपात ५० टक्के अनुदान व ५० टक्के स्व-गुतंवणूक, शासनाच्या हमी भावाने मध खरेदी, विशेष / छंद प्रशिक्षणाची सुविधा, मधमाशा संरक्षक व संवर्धनाची जनजागृती.
ब) योजनेतील प्रमुख घटक आणि पात्रता :-
वैयक्तिक मधपाळ :- पात्रता– अर्जदार साक्षर असावा, स्वत:ची शेती असल्यास प्राधान्य, वय १८ वर्षापेक्षा जास्त १० दिवस प्रशिक्षण घेणे अनिवार्य.
केंद्रचालक प्रगतीशिल मधपाळ :- व्यक्ती पात्रता-* किमान १० वी पास, वय वर्ष २१ पेक्षा जास्त, अशा व्यक्तीच्या नावे किमान किंवा त्या व्यक्तीच्या कुटुंबातील कोणत्याही व्यक्तीच्या नावे किमान १ एकर शेती जमीन किंवा भाडे तत्वावर घेतलेली शेत जमीन, लाभार्थीकडे मधमाशा पालन, प्रजनन व मध उत्पादनाबाबतीत लोकांना प्रशिक्षण देण्याची क्षमता व सुविधा असावी.
केंद्रचालक संस्था – पात्रता :- संस्था नोंदणीकृत असावी, संस्थेच्या नावे अथवा भाडे तत्वावर घेतलेली किमान १००० चौ. फूट सुयोग्य इमारत असावी. तसेच १ एकर शेत जमीन स्व-मालकीची/भाडयाने घेतलेली असावी, संस्थेकडे मधमाशा पालन प्रजनन व मध उत्पादना बाबतीत लोकांना प्रशिक्षण देण्याची क्षमता असावी.
(क) अटी व शर्ती :- लाभार्थी निवड प्रक्रियेनंतर प्रशिक्षणापूर्वी मध व्यवसाय सुरू करण्यासंबंधी मंडळास बंधपत्र लिहून देणे अनिवार्य राहील, मंडळाने निश्चित केलेल्या ठिकाणी प्रशिक्षण घेणे अनिवार्य.
अधिक माहितीसाठी जिल्हा ग्रामोद्योग अधिकारी, महाराष्ट्र राज्य खादी व ग्रामोद्योग मंडळ, लक्ष्मी विष्णू सदन, दुसरा मजला, महर्षी कर्वे रोड, नामदेववाडी हॉल जवळ, नौपाडा, ठाणे (प) 2, दूरध्वनी क्र. ९७६७६७५१६१. संचालक, मध संचालनालय, महाराष्ट्र राज्य खादी व ग्रामोद्योग मंडळ, शासकीय बंगला नं. ५, मु.पो. ता. महाबळेश्वर, जि. सातारा – ४१२ ८०६, दूरध्वनी-०२१६८-२६०२६४, येथे संपर्क साधावा, असे ठाणे जिल्हा ग्रामोद्योग अधिकारी रमेश सुरुंग यांनी कळविले आहे.
