नेशन न्यूज मराठी ऑनलाइन टीम.
नवी मुंबई/ प्रतिनिधी – नवी मुंबईतील शिरवणे येथील बार मध्ये बार मधील कर्मचाऱ्याची हत्या झाल्याची घटना घडली आहे. त्याच बार मध्ये काम करणाऱ्या कर्मचाऱ्याने ही हत्या केल्याची धक्कादायक माहिती समोर आली आहे . एकाच ठिकाणी अनेक दिवसांपासून आरोपी आणि मयत कर्मचारी शिरवणे येथील भारती बार मध्ये काम करत होते. रात्रीच्या सुमारास दोघात वाद झाला. वादाचे रूपांतर थेट खुनात झाले.
आपल्याकडे असलेले क्रिकेटचे स्टंप आरोपीने मयत व्यक्तीच्या डोक्यात घातले आणि ठार केले. मयत व्यक्तीचे नाव उदय होनय्या शेट्टी असून तो मूळ कर्नाटक येथील राहणारा आहे. तर आरोपीचे नाव विक्रम यादव असे असून तो मूळ झारखंड येथील रहिवाशी आहे.
पोलिसांच्या दाखल तक्रारी नुसार मयत इसम आपल्या पगाराचे पैसे एका कपाटात ठेवत होता. त्यावर आरोपीची अनेक दिवसांपासून नजर होती. काल रात्री बार बंद झाल्यावर दोघेही झोपायला गेले. आरोपीने मयत व्यक्तीने पैसे चोरण्याच्या उद्देशाने मयत व्यक्तीच्या डोक्यात क्रिकेटचे स्टंप घालून त्याचा खून केला आणि पैसे चोरून पळून गेला. या प्रकरणात तीन आरोपींना पोलिसांनी ताब्यात घेतले असून, त्यांच्यावर खुनाचा गुन्हा दाखल केला आहे.
